تمنيت مره

تمنيت مره وممكن اكو مازلت اتمني ان اسافر بعيدا الي مكان غير الذي اعيشه والي ناس لا اعرفه ولايعرفونني مش متاكده قوي من السبب ممكن ميكونش سبب واحد ممكن يكون عده اسباب ممكن يكون علشان نبدا حياه جديده ويكون عندنا الفرصه اننا نكن اناس افضل او ممكن يكون هروب من الحقيقه اللي مش قادرين نتعامل معاها او ممكن نكون عايزين نثبت حاجه مش ممكن نثبتها في حياتنا .يعني اقصد اننا عايزين نغير البيئه اللي حوالينا والناس اللي فيها .كنت متاكده جدا ان ده هيريحني وعلي الاقل هيديني فتره ارتاح فيها من كل الحاجات اللي اتراكمت عليا سواء في الجامعه او في البيت .بس اللي بجد غير رايي هو مسلسل اجنبي شفته بعدها قلت طب ايه مش نغير احنا نفسنا بدل ما نغير الناس اللي حوالينا ,ليه مش نحاول نكون ناس احسن مع الناس اللي نعرفهم ده ممكن يحصل اما يكون عندنا الاراده والرغبه اننا فعلا نعمل كده لان الناس اللي يعرفونا هيساعدونا علي اللي احنا عايزينه طالما انه فيه خير لينا لكن صعب تلاقي المساعده الكبيره اللي هتلاقيها بين اهلك واخواتك واصحابك عند ناس اغراب يبقي المفروض الواحد يحاول يقرر ايه اللي عايز يعمله اما يسافر بعيد ويعمله دلوقتي بين اهله وناسه واكيد هيساعدوه

حاجات غريبه

السلام عليكم ورحمه الله وبركاته
حسيت بالملل فحبيت اكتب قلت يمكن انفع وحاليا مش عارفه اكتب ايه بالظبط يعني فيه مواضيع كتيره بفكر فيها منها ازاي الواحد يذاكر في رمضان بس عايزه اتكلم دلوقتي علي بعض المواقف اللي حصلت في الجامعه عندي ما ان جامعتي جامعه خاصه فكان اغلبيه الطلاب من العرب وانا لا انكر ان العرب كويسسين بس مش دايما او مش الي عندنا في الجامعه مش عايزه اناقش المساله الدينيه بل المساله الاخلاقيه مفيش حد عنده اخلاق اليومين دول ولا ايه بلاقي الشباب مطولين شعرهم اطول من البنات ولابسين اكسسوارات انا والله لحد علمي اعرف ان ان الاكسسوارات للبنات بس الظاهر ان انا كنت موضه قديمه اما الطالب قبل ما ينزل الصبح الجامعه يسشور شعره ويحط جيل ويلبس اكسسوارات ويلبس توك للشعر علشان الشعر مش ييجي علي عينه يا حرام امال البنات تعمل ايه انا مش بشجع ان البنات تعمل كده في الشارع لان كده حرام بس بقول ان الفعل ده بتاع بنات مش ولاد وانتشرت كتير في مصر الي المفروض دوله اسلاميه وباكد مره تانيه علي كلمه المفروض بس نقول ربنا يهدي الجميع